Diwrnodau Allan yng Nghastell Nedd a Phort Talbot
Castell Nedd
Wedi'i leoli ar ymylon canol tref Castell Nedd, cafodd y Castell ei adeiladu tua 1180 ar safle castell cynharach. Yn lleoliad llawer o frwydrau, mae'n fwyaf tebygol y cafodd ei ddinistrio yn y 13eg ganrif a'r 14eg ganrif, a chafodd ei ailadeiladu bob tro. Gallwch weld rhan o'r porthdy dau dŵr ar yr ochr orllewinol, y caeadle hirgrwn wedi'i godi i ddwyrain y porthdy, rhan o'r llenfur, stwmp un o'r ddau dŵr crwn gwreiddiol ymestynnol, rhes o risiau o flaen y porthdy a blaenau a bwa'r porthdy o'r 14eg ganrif.
| Gwasanaethau | Pob gwasanaeth i Gastell Nedd, Gerddi Fictoria. |
|---|
Mynachlog Nedd
Adfeilion mynachlog Sistersaidd trawiadol sydd, i raddau helaeth, yn gyflawn, ac sydd wedi goroesi canrifoedd o ddiwydiannu, gan gynnwys gwaith copr gynt wedi'i adeiladu ar y tiroedd. Ar agor bob dydd o 10:00 tan 16:00.
| Gwefan | www.baytrans.org.uk |
|---|---|
| Gwasanaethau | 59, 158 |
Cilfrew, Taith Gerdded Craig Gwladus
Gyda golygfeydd godidog dros Gwm Nedd isaf, mae gan Graig Gwladus rwydwaith o lwybrau gyda nodwyr llwybr drwy olygfeydd ysblennydd.
| Gwefan | www.baytrans.org.uk |
|---|---|
| Gwasanaethau | 154, 158 |
Rhaeadrau Aberdulais
Eiddo'r Ymddiriedolaeth Genedlaethol mewn cwm cul, troellog - rhaeadrau a ysbrydolodd Turner, gwaith tunplat gynt, chwarel a melin flawd mewn lleoliad golygfaol. Ar agor yn ddyddiol (penwythnosau yn y gaeaf). Ffoniwch 01639 636674
| Gwefan | www.baytrans.org.uk |
|---|---|
| Gwasanaethau | 154, 158 |
Amgueddfa Lofaol Cefn Coed, Creunant
Ar un adeg dyma un o gloddfeydd glo carreg dyfnaf y byd; erbyn hyn mae'n amgueddfa er cof am y glowyr a fu'n gweithio yno am genedlaethau. Mae arddangosion yn cynnwys peiriant weindio, oriel ffug, offer, siop yr amgueddfa. Ar agor bob dydd tan ddiwedd mis Hydref o 1030 tan 1700.
| Gwefan | www.baytrans.org.uk |
|---|---|
| Gwasanaethau | 158 |
Beiciau cwad Cwm Nedd
Mae Beiciau Cwad a Saethyddiaeth Cwm Dulais yn darparu antur a gwefr llywio'r Beiciau Cwad 250cc diweddaraf drwy 175 erw o fryniau a choetiroedd. Ceir Beiciau Cwad Iau 70cc awtomatig ar gyfer plant 8-15 oed, ar y trac iau neu gyda'u rhieni ar daith gyda hyfforddwr.
| Gwefan | www.dulaisvalley-quads.co.uk |
|---|---|
| Gwasanaethau | 158 |
Ffordd Rufeinig Sarn Helen
Sarn Helen yw un o'r darnau o Ffordd Rufeinig sydd wedi'i gadw orau yng Nghymru; mae hyn yn cyfeirio at y darn o'r daith gerdded rhwng Banwen ac Aberdulais.
| Gwefan | www.baytrans.org.uk |
|---|---|
| Gwasanaethau | 158 |
Taith Gerdded Camlas Y Clun
Mae Camlas Nedd yn ffurfio coridor gwyrdd, hardd a rhodfa rwydd ar hyd ei llwybr tynnu, sy'n gyfoethog o ran bywyd gwyllt, yn hygyrch ac yn agos at daith bysiau X5. Taith gerdded o'r Clun i Fasn Aberdulais gyda'i draphont ddŵr, loc, pont sgiw, a nodweddion hanes cynnar y camlesi.
| Gwefan | www.baytrans.org.uk |
|---|---|
| Gwasanaethau | X5 |
Rhaeadrau Melin-cwrt
Rhaeadr odidog, 25 metr o uchder, a gafodd ei pheintio un tro gan Turner, gyda gwarchodfa natur 12 erw ddiddorol iawn wrth ochr ceunant coediog cyfoethog sydd â choed derw a bedw, ceirios gwyllt, clychau'r gog, rhedyn prin, sigl-di-gwt, telor y coed a gwybedog. Taith gerdded 20 munud o bentref Melin-cwrt; mae esgidiau cadarn yn hanfodol.
| Gwefan | www.baytrans.org.uk |
|---|---|
| Gwasanaethau | X5 |
Taith Gerdded Camlas Resolfen
Mae rhannau uchaf Camlas Nedd ymhlith y rhai mwyaf diddorol a gallwch fwynhau taith gerdded bleserus wrth ochr Ystad Rheola a golygfeydd ardderchog i fyny ac i lawr Cwm Nedd hardd.
| Gwefan | www.baytrans.org.uk |
|---|---|
| Gwasanaethau | X5 |
Taith Gerdded Rhaeadrau Pontneddfechan
Un o leoedd cerdded mwyaf poblogaidd yr ardal gyda cheunentydd a rhaeadrau.
| Gwefan | www.baytrans.org.uk |
|---|---|
| Gwasanaethau | X5 |
Glan Môr Aberafan
Mae dwy filltir o draeth, promenâd a chyfleusterau chwaraeon a hamdden Lido Afan wedi gwneud Aberafan yn gyrchfan poblogaidd i ymwelwyr dydd dros y blynyddoedd.
| Gwefan | www.baytrans.org.uk |
|---|---|
| Gwasanaethau | X1, X3, 8 |
Ffordd Coed Morgannwg
Y rhan o Fryn i Barc Margam. Mae hyn ond yn rhan o daith gerdded 36 milltir Coed Morgannwg.
| Gwefan | www.baytrans.org.uk |
|---|---|
| Gwasanaethau | X3 |
Parc Margam, Abaty Margam a'r Orendy
Un o hoff barciau gwledig Cymru - dros 100 erw o barcdir a gerddi godidog ac Orendy o'r 18fed ganrif. Mae teithiau cerdded, lle chwarae i blant, rheilffordd lein fach gul, a chaffi. Ar agor bob dydd yn ystod yr haf o 1000 i 1700.
| Gwefan | www.baytrans.org.uk |
|---|---|
| Gwasanaethau | X1, X4, 224 |
Parc Coedwig Afan
Mae Parc Coedwig Afan yn cynnwys deg o deithiau cerdded gyda nodwyr llwybr ac yn swyddogol mae'n lleoliad i un o lwybrau beicio mynydd gorau Prydain. Gwrandewch am gnocio cnocell y coed wrth i chi gerdded trwy'r coetiroedd aeddfed. Hefyd yng nghanolfan yr ymwelwyr mae Amgueddfa Glowyr De Cymru.
| Gwefan | www.baytrans.org.uk |
|---|---|
| Gwasanaethau | 23, 159 |
Pyllau Glyncorrwg
Cyfres o byllau hardd wedi'u tirlunio ar safle pwll glo gynt (a gaeodd ym 1970), sydd erbyn hyn yn hafan ar gyfer bywyd gwyllt o fewn y Parc Coedwig - teithiau cerdded hamddenol wrth ochr y llyn, pysgota, teithiau cerdded a llwybrau â nodwyr llwybr, llwybrau beiciau mynydd (gellir llogi beiciau) canolfan ymwelwyr a chaffi. Ar agor bob dydd.
| Gwefan | www.baytrans.org.uk |
|---|---|
| Gwasanaethau | 23, 159 |
Y Cymer, teithiau cerdded lleol, hyd canolig
Mae cerdded ym Mharc Coedwig Afan yn bleser, gyda llwybrau rhwydd, wedi'u marcio'n dda a golygfeydd trawiadol dros goedwigoedd a'r afon. Cadwch olwg am y Goedwig Kanji enwog ar y ffordd a cheisiwch benderfynu i ble aeth yr holl reilffyrdd o'r Cymer.
| Gwefan | www.baytrans.org.uk |
|---|---|
| Gwasanaethau | 23, 159 |