Diwrnodau allan yng Nghwm Tawe
Cwm Clydach
Mwynhewch ymlwybro drwy'r Warchodfa RSPB hon mewn lleoliad coetir heddychlon ar ddiwrnod hyfryd o haf. Efallai byddwch yn gweld gwybedog brith, tingoch neu foncath, yn ogystal â bronwen y dŵr ar hyd afon Clydach isaf.
| Gwefan | www.baytrans.org.uk |
|---|---|
| Gwasanaethau | Mynediad drwy wasanaeth 121 i Graig Cefn Parc. |
Taith Gerdded Camlas Pontardawe
Mae Cwm Tawe ar ei harddaf a'i fwyaf heddychlon ar hyd y gamlas, wedi'i wahanu o'r brif ffordd drwy'r cwm. Mae'r gamlas ym mherchnogaeth Dyfrffyrdd Prydain ar gyfer rhan gyntaf y daith gerdded, ac o Ynys-meudwy ymlaen, mae'n rhan o warchodfa natur linellol a reolir gan Gyngor Castell Nedd Port Talbot.
| Gwefan | -- |
|---|---|
| Gwasanaethau | 120, 125 |
Clydach, Dynamic Rock
Canolfan dringo pwrpasol dan do yw Dynamic Rock, sy'n lleoliad dringo creigiau dan do o ansawdd uchel ar gyfer dringwyr a darpar ddringwyr o bob oedran a gallu.
| Gwefan | -- |
|---|---|
| Gwasanaethau | 120, 121, 122, 125 |
Canolfan y Celfyddydau Pontardawe
Mae Canolfan y Celfyddydau Pontardawe yn lleoliad diwylliannol amlbwrpas yn Sryd Herbert Mae'r ganolfan wedi adeiladu enw haeddiannol am adloniant byw a chelf weledol sy'n ymwneud â sbectrwm eang o adloniant cyffrous.
Wedi'i hagor ym 1996, mae Canolfan y Celfyddydau yn derbyn arian craidd gan Gyngor Celfyddydau Cymru ac mae'n cynnal a chadw rhaglen amrywiol gan gynnwys:
- Drama - i oedolion a phlant, yn Gymraeg ac yn Saesneg
- Dawns - clasurol a chyfoes
- Comedi - clwb comedi a digrifwyr wedi'u henwi
- Cerddoriaeth - cerddoriaeth roots, y byd, y blues, roc/pop
- Adloniant - i oedolion a phlant gan gynnwys pantomeim
- Ffilm - prif ffrwd ac arbenigol gyda chlwb ffilmiau preswyl
Mae'r adeilad hefyd yn gartref i Oriel Lliw sy'n arddangos deuddeg arddangosfa'r flwyddyn gan arlunwyr lleol, cenedlaethol a rhyngwladol; Cymdeithas Operatig Amatur Clydach a'r Cylch; Ysgol Theatr Class Act, ac Ysgol Bale Pamela Miller.
| Gwefan | www.npt.gov.uk |
|---|---|
| Gwasanaethau | 120, 121, 122, 125, 132, 148, X20, X22, X25 |
Gwaith Haearn Ynyscedwyn
Crëwyd Parc Gwaith Haearn Ynyscedwyn ar safle'r gwaith haearn a wnaeth Ystradgynlais yn enwog. Yn ôl tystiolaeth a ddarganfuwyd yma, roedd haearn yn cael ei smeltio yma ers mor gynnar â 1612. Daeth gwneud haearn i ben ym 1941 a dim ond y bwâu sy'n esgyn a'r peiriannau a ddiogelwyd sy'n aros o hyd.
| Gwefan | www.ystradgynlais.info |
|---|---|
| Gwasanaethau | 120, X20, 125 |