Diwrnodau allan yng Ngorllewin Cymru

Parc Dinefwr, Llandeilo

Mae Parc Dinefwr, sy'n cael ei reoli gan yr Ymddiriedolaeth Genedlaethol, gydag adfeilion Castell Dinefwr ac eglwys Llandyfeisant, y tu allan i Landeilo. Mae llwybrau troed drwy'r parc sydd wedi'i dirlunio yn arwain at y castell ac mae ganddynt olygfeydd da o Gwm Tywi. Mae rhannau o Dŷ Newton, sy'n dyddio o 1660, ar agor i ymwelwyr.

Castell Cydweli

Wedi'i ddatblygu o gwmpas ei chastell canoloesol, sef un o'r rhai sydd wedi'i gadw orau yng Nghymru, mae'n sefyll ar glawdd serth yn edrych dros yr afon.

Llwybr Arfordirol y Mileniwm

Cafodd morlin 13 milltir Llanelli ei drawsnewid yn Barc Arfordirol y Mileniwm ysblennydd, wedi'i ariannu gyda chymorth y Loteri Genedlaethol. Bu creu'r parc yn gamp tirlunio fawr, a oedd yn golygu llynnoedd, gerddi a choetiroedd newydd. Ar y pen dwyreiniol mae'n edrych dros aber yr afon sydd wedi'i ddominyddu gan gorstir. Wedyn mae'n ysgubo o gwmpas y dref ac yn dilyn yr arfordir, gan roi golygfeydd panoramig dros fanciau tywod a dyfroedd llanw tuag at benrhyn Gŵyr. Mae ardal o gefn gwlad agored yn ymestyn tuag at Borthladd Porth Tywyn ac ymlaen at Barc Gwledig Pen-bre. Mae llwybr beicio a llwybr troed parhaus yn cysylltu'r holl elfennau hyn, ac mae'n rhedeg yn ddi-dor drwy hyd gyfan y parc.

Cae Ras Ffos Las

Mae Ffos Las wedi dod â rasio o'r radd flaenaf yn ôl i orllewin Cymru am y tro cyntaf ers 1937. Gallwch ddod o hyd iddo yng nghanol Sir Gaerfyrddin rhwng trefi Llanelli a Chaerfyrddin. Mae'r lleoliad yn odidog. Mae wedi'i amgylchynu gan fryniau tonnog a chefn gwlad ac mae ganddo olygfa i lawr Cwm Gwendraeth at Fae Caerfyrddin. Mae bron yn amhosibl credu mai dyma safle blaenorol un o'r pyllau glo brig mwyaf yn Ewrop. Nid oes unrhyw beth sy'n well nag olygfa a lliwiau gweld ceffylau rasio a jocis yn agos, y gweithgarwch byrlymus o gwmpas y betio a chyffro bywiog y ras ei hun.

Ardd Fotaneg Genedlaethol Cymru

Agorodd Ardd Fotaneg Genedlaethol Cymru ym mis Mai 2000 - sy'n golygu mai hi yw'r ardd fotaneg genedlaethol gyntaf i gael ei chreu yn y mileniwm newydd.

Ymhen dim o dro, hi yw

• Yr ardd yr ymwelir â hi fwyaf yng Nghymru
• Rhif 1 'Rhyfeddod Cymru', 'Yr Ardd Fwyaf Rhamantus', 'Yr Ardd Orau i Blant' a'r 'Te Prynhawn Gorau' gan y Western Mail
• Yr 'Ardd Orau i Ymweld â hi yng Nghymru' yn ôl pleidlais BBC Gardeners' World 2010
• 'Hoff Beth yr Ymwelwyr' gan Gymdeithas Dwristiaeth Sir Gaerfyrddin

You will find an amazing collection of over 8000 different plant varieties, spread across 560 acres of beautiful countryside.

Byddwch yn dod o hyd i gasgliad syfrdanol o dros 8000 o wahanol fathau o blanhigion, wedi'u lledaenu dros 560 erw o gefn gwlad hardd.

Mae ystod trawiadol o erddi â themâu sy'n apelio at ystod eang o ymwelwyr, o'r rhai sy'n gwirioni ar edrych ar flodau a'u harogli i'r rhai sydd eisiau gwybod am blanhigion meddyginiaethol neu'r ymchwil DNA ddiweddaraf i esblygiad planhigion.

Mae'n gyfeillgar iawn i deuluoedd. Mae bob amser ddigonedd o weithgareddau i deuluoedd eu gwneud yn ystod gwyliau'r ysgol a gwyliau banc, a rhaglen amrywiol drwy gydol y flwyddyn sy'n apelio at ystod eang o ymwelwyr.

Mae gan yr Ardd 'dŷ gwydr wedi'i rychwantu' mwyaf y byd, a gafodd ei gynllunio gan yr Arglwydd Foster, ac ynddo mae'r arddangosfa orau o blanhigion o barth hinsawdd y Canoldir yn Hemisffer y Gogledd.